CHAPTER FIFTY
KATELYN
Lumipas nga ang isang linggo bago ako nakaalis ng Pilipinas. Pumayag si Mr. Garcia sa pag-alis ko at ganoon din si Tito Allan. Hindi alam ni Tito Allan kung bakit ko gustong pumunta sa London, maging si Mama ay hindi ko rin kaagad sinabihan. Ang tanging sinabi ko lang sa kanila ay may dapat kaming pag-usapan.
Pagkarating ko sa London ay nagpasya akong kay Mama lang muna sabihin ang pakay ko, nang sa ganoon ay kung sakaling wala ring alam si Tito Allan sa tunay na nangyari noon ay hindi na magkagulo.
"I'm sorry, Kate. Kung siguro naging mabuti akong magulang sa 'yo, hindi ka na maghahanap ng pagmamahal mula sa ama mo," nangingiyak na sabi ni Mama habang hinahagod ang buhok ko sa likod.
Nasa kuwarto kami, kuwartong ibinigay sa akin ni Tito Allan noon. Kahit pala um
