CHAPTER FIFTY EIGHT
KATELYN
Jake acts normal. Sa buong oras namin sa hapagkainan ay kagaya pa rin siya ng dati. Hindi siya madaldal o maingay, tamang komento lang o sagot sa mga naging topic namin. Hindi rin siya naging malamig sa amin ni Rappy. Naiilang nga ako kapag nagkakausap sila ni Rappy in a civil way. Sa akin naman ay hindi rin siya umiiwas. Maski ang mga mata niya ay hindi niya sa akin iniiwas, pero hindi niya rin ako pinagmamasdan.
Hindi ko tuloy maintindihan kung bakit nahihirapan ako sa situwasyon. Bakit parang madali lang naman sa kaniya ito?
Nang matapos kumain ay nagpaalam na muna akong lalabas para matawagan si Mama. Kailangan ko ng mapaglalabasan ng kung anong agam-agam na nararamdaman ko. Pakiramdam ko ay mali.
"Maybe because he already moved on," ani Mama matapos ko
