Chapter 42
ISABELLA'S POV
Hindi mawala ang kaba sa dibdib ko habang papalapit kami ni Raine sa bahay. Mabuti na lang at hindi ako inatake ng pagkahilo ngayon na ilang araw ko ng nararanasan.
Pagpasok namin sa bahay, namataan namin si Tito Anton sa living room. Tumayo ito at sinalubong kami. Bumeso ako sa kaniya at nakipagkamay naman si Raine.
"Hindi ko akalain na ikaw iyon," aniya at tinapik si Raine sa balikat.
"Ang alin, tito?" sabat ko.
"Wala 'yon, babe," mabilis na sagot ni Raine at tumingin ng makahulugan kay tito. Alam kong may itinatago sila sa akin.
"Raine, gusto kang makausap ni Kuya Al. Naroon siya sa study room." Nagtaka ako. Bakit sa study room pa? Dati rati kinakausap niya naman si Raine sa living room, bakit doon pa?
"Tara, babe, sasamahan kita." Hinila ko ang kamay n
