Chapter 22
ISABELLA'S POV
Naalala ko ang mga nangyari simula nang umalis sina mommy at daddy kahapon. Hanggang ngayon hindi pa rin ako makapaniwala na hindi si mommy ang tunay kong ina. Paano nangyari iyon? Bakit itinago nila iyon sa akin sa napakatagal na panahon?
Ngayon naiintindihan ko na kung bakit kahit anong gawin ko hindi talaga malapit ang loob ko sa kinalakihan kong ina. Oo, mabait si mommy, mahal niya ako, pero parang laging may kulang sa tuwing magkasama kami.
Mahal ko si mommy, pero hindi ako matatahimik hangga't di ko nakikilala ang tunay kong ina. Kailangan ko silang makausap tungkol sa tunay kong ina. Kung bakit iba ang kinilala kong mommy.
"Good morning, bes!" Napalingon ako mula sa pagkakaupo ko sa veranda. Si Liza, nakangiti itong lumapit sa akin. Niyakap niya ako n
