Chapter 23
Mature content!
Read at your own risk!
ISABELLA'S POV
Pagkatapos namin maghapunan ni yaya, umakyat na ako sa kuwarto ko. Naligo muna ako bago matulog ngunit laking gulat ko nang paglabas ko ng banyo, nakita kong nakahiga si Raine sa kama. Tulog ito. Nakapatong sa noo ang kanang braso nito. Nakapatay ang ilaw sa kuwarto ko at tanging sa lampshade lang nagmumula ang liwanag.
Nagtaka ako kung paano siya nakapasok dito. Nakasara ang mga bintana at siniguro kong naka-lock ang pinto palabas ng veranda. Paano niya nagawa iyon? Sabagay maparaan ang lalaking ito. Isa sa mga bagay na minahal ko sa kaniya.
Lumapit ako sa gilid ng kama at nanatiling nakatayo. Pinagmasdan ko siyang maigi habang natutulog. Hindi naman masasabi na sobrang guwapo niya. Tama lang. Makapal ang kilay niya at
