Chapter 14
ISABELLA'S POV
Ginising ako ng sunod-sunod na katok sa pinto.
"Isabella, iha, gising ka na ba? Umaga na!"
Tinig iyon ni yaya. Bumangon ako at pinagbuksan ito ng pinto.
"Pasensiya na, yaya, napasarap tulog ko. Salamat at ginising n'yo ako." Pumunta na ako sa banyo para maligo.
"Bakit ba kasi nag-lock ka ng pinto? Aba'y kanina pa ako katok nang katok."
"Di ko po napansin, nai-lock ko. Di na po mauulit," pagsisinungaling ko. Ngayon lang ako nagsinungaling kay yaya. 'Wag sana makahalata.
"O, siya sige. Maligo ka na at bumaba. Nakahanda na ang almusal mo."
"Thank you po, yaya. Sige po, maliligo na ako." Binilisan ko ang paliligo. Ngayon ko lang naalala 'yong sa math subject. Di ko pa pala 'yon nasasagutan. Yari ako nito. Ang hirap pa naman no'n. Tinapos ko ang paliligo ko a
