Chapter 55
RAINE'S POV
Kinaumagahan, araw ng linggo, inihatid ko si Isabella sa condo ni Tooffer. Naghihintay na roon ang mga kaibigan niyang sina Liza at Stephen. Ayon sa mga ito, kailangan nilang magbonding dahil bukas na ang flight ni Liza patungong Amerika. Noon ko lang nalaman na nagsasama na pala sila ni Tooffer. Maigi naman iyon para matigil na ang huli sa pambababae nito.
"Si Tooffer?" tanong ko kay Liza.
"Maagang umalis. May kailangan daw siyang ayusin." Di ko alam kung may nalalaman na si Liza sa klase ng trabaho ni Tooffer. "Pauwi na rin 'yon. Hintayin mo na lang kaya siya."
"No. Hindi na. Tatawagan ko na lang siya." Nilingon ko si Isabella na abala sa pakikipag-usap kay Stephen. Naririndi ang tainga ko sa baklang ito. Kung tumili daig pa ang babae. Kung hindi lang ito kai
