CHAPTER 15
Nasa kwarto na naman siya ni Leon at nanonood ng TV. Nakaupo siya sa kama, nakaunat ang mga paa at nakasandal sa headboard. “Nabigyan ko na ng tubig si Rain,” sabi ni Leon sa kanya, pagpasok nito sa kwarto. “Binigyan mo ng pagkain, ‘di mo binigyan ng tubig.” Dahil sobrang close na sila’y nagawa na niyang utusan si Leon na bigyan ng tubig ang alaga niyang kuting. Hindi niya magawang iwan ang pinapanood kaya kay Leon na niya ito inutos.
“Ngayon ko lang naman nakalimutan bigyan. Alagang-alaga ko kaya ‘yon. Binilan ko pa ng bagong laruan,” sagot niya habang ang mga mata’y sa TV pa rin nakatingin.
Naupo si Leon sa tabi niya. “Ano’ng pinapanood mo? ‘Yung kanina pa rin?”
“Pangatlong episode na ‘to.”
“Hindi ka pa ba inaantok?” tanong nito sabay sandal sa braso niya.
“Isang episode
