CHAPTER 30
“Kailan ang balik mo?” tanong niya kay Leon habang tinutulungan itong mag-empake. Ilang linggo itong mawawala dahil pupuntahan ang pamilya na nasa Canada.
“January 2.” Nakaupo sa paanan ng kama si Leon habang siya sa sahig, kaya hinawakan siya nito sa braso at hinila para mapatayo siya. Umusog si Leon paangat sa bandang gitna ng kama, at pinaupo siya nito sa gitna nang nakabuka nitong mga hita. Nang makaupo na siya, niyakap naman siya nito mula sa likuran. “I really wanna spend my first Christmas and New Year with you,” sabi nito habang nakapatong ang baba sa balikat niya. Pareho man sila ng gusto pero hindi 'yon ang mangyayari.
Hinawakan niya ang mga braso nitong nakalingkis sa kanya.“Alam mo naman na hindi ako pwedeng sumama. Una, expired na ‘yung passport ko, pangalawa wal
