CHAPTER 31
Nasa kusina si Gio kasama ng ina. Inutusan kasi siya nito na bilugin ang giniling na malagkit na bigas na ilalagay sa lulutuing ginatan na bilo-bilo. Paboritong meryenda niya ito kaya naisipan siyang ipagluto ng kanyang ina. Tulala si Gio at nakatingin sa kawalan habang kanina pa paikot-ikot sa mga daliri niya ang giniling na malagkit na bigas. Matatapos nang mag-hiwa ng saging na saba at kamote ang kanyang ina at magsisimula na itong magluto, pero dalawang pirasong binilog na malagkit na bigas pa lang ang nagagawa niya.
“Nak, may problema ka ba?” tanong nito sa kanya.
“P-po?” tanong niya, pagbalik niya sa wisyo. Nahulog pa sa kamay niya ang hawak na malagkit at gumulong sa plato na nakapatong sa lamesa.
“Ang sabi ko, may problema ka ba? Kanina ka pa tulala d’yan at ang lal
