CHAPTER 50
Habang nasa byahe siya tinatawagan niya si Leon pero ring lang nang ring ang cellphone nito. Hindi rin ito nagre-reply sa mga messages niya. Leon, nasaan ka ba? Ano’ng ginagawa mo? Sabi niya sa sarili habang nakatanaw sa labas ng bintana ng bus na sinasakyan niya at mabilis na tumatapik ang mga daliri niyang nakapatong sa kanyang hita. Tiningna niyang muli ang cellphone, kahit hindi naman niya ito naramdamang nag-vibrate at narinig na tumunog.
Pagdating niya sa condo, patakbo na siyang pumasok sa lobby hanggang sa makarating siya sa tapat ng elevator. Ilang beses niyang pinindot ang up button kahit na isang pindot lang naman ay ayos na. Parang napakabagal ng oras habang nakatitig siya sa numero na pababa ang bilang. Pagbukas ng pintuan ng elevator, ang daming sakay nito kaya h
