CHAPTER 63
“Gio, kumusta pag-aaral? May girlfriend ka na ba?” tanong ni Manuel, ang pinakamatanda sa kanilang magpipinsan sa side ng pamilya ng kanyang ama. Anak ito ng Tiyang Salve niya na panganay na kapatid ng kanyang ama.
Nasa bahay sila ng kanyang Tiyo Aldo dahil may reunion ang pamilya nila. Kasama niya ang mga pinsan niyang lalaki sa labas ng bahay at nag-iinuman ang mga ito. Siya lang ang hindi umiinom ng alak, at sa halip ay softdrinks ang laman ng baso niya.
“Madaming babae ‘yan. Minsan inaabot pa ‘yan ng madaling araw sa phone. Dati nahuli ko pa ‘yan na bubulong-bulong sa sala,” sagot ng kuya niya.
Naalala niya ‘yung gabi na ‘yon. Pumunta siya ng sala dahil mahina ang signal sa loob ng kwarto niya. Kausap niya si Leon at naglalambing ito sa kanya. Gusto nito na marinig si
