CHAPTER 17
“Gio, nasaan ka na?” tanong ni Buddy sa kanya. Kausap niya ito sa cellphone habang sakay siya ng jeep papunta sa opisina. Ngayon ang araw ng company outing nila at medyo late na siya. Usapan ay dapat ala-sais pa lang nang umaga ay naroon na sila, pero dahil kinailangan pa niyang iwan ang alagang kuting sa pet shop para ipaalaga ito ay mukhang male-late siya nang ilang minuto. Kung hindi lang sana overnight ang outing nila’y hindi na niya kailangan iwan pa roon ang alaga.
“Malapit na ‘ko sa kanto. May upuan pa ba ‘ko?”
“Meron na. Ikaw na lang ang hinihintay nung upuan.”
“Okay. Okay. Sige na. Pababa na ‘ko.”
“Okay.”
Pagbaba niya ng jeep, nagmamadali siyang tumakbo papunta sa gilid ng building ng opisina nila kung saan nakaparada ang mga bus na sasakyan nila. Sabi sa kanya ni
