CHAPTER 18
“Gio! Gio!” sigaw ni Buddy sa kanya, kaya nilingon niya ito.
“Bakit?” tanong niya, sabay balik ng tingin kay Leon. Nagtataka siya kung bakit hindi siya pinansin nito. Kanina naman sa bus ay okay silang dalawa. Siguro hindi niya lang ako napansin. Baka hindi naman siya sa 'min nakatingin.
Tumingin siyang muli sa mga kaibigan. “Chicken fight tayo,” yaya ni Buddy.
“Wala akong partner,” reklamo ni Dexter.
“Humanap ka ng partner mo. Ayon si Ms. Lanie o, yayain natin,” sabi ni Julie.
“Ayoko nga. Ang bigat ni Ms. Lanie.” Napatingin ito kay Leon. “Si Sir Leon.”
Natawa si Vida sa sinabi ni Dexter. “Ayaw mo kay Ms. Lanie pero kumuha ka pa nang mas mabigat at malaki sa ‘yo.”
“Ano bang pinagsasabi mo Vida? Hindi ‘yan ang ibig kong sabihin. Si Sir Leon, mag-isa. Hindi niya kasama si
