CHAPTER 19
Lumapit siya kay Leon at naupo sa gilid ng pool. Tinawag niya ito sa pangalan. Nang mapatingin ito sa kanya, hindi siya pinansin nito at sa halip ay pumunta ito sa gilid ng pool, malayo sa kanya. Napansin naman niya ang bote ng alak at baso na nakapatong sa tabi ng pool katabi ng mga tsinelas nito. “Umiinom ka tapos nagswi-swimming. Delikado ‘yan.” May kaibigan siya noong college na nag-swimming nang lasing at muntik nang malunod at ayaw niyang mangyari 'yon kay Leon.
“Ayos lang ako.”
“Umahon ka na d’yan.”
“I said, I’m okay. Go back to your friends and leave me alone.” Inis ba siya dahil nakikialam ako o may ibang dahilan? Minsan ‘tong lalaking ‘to ang hirap intindihin!
“Tigas naman ng ulo mo.” Naghubad siya ng t-shirt at saka tumalon sa pool. Lumangoy siya papunta sa kinar
