“BLESS, you misunderstood, please let me explain myself. Maskin makaron eang, sayod ko nga gago ako kat inaywanan ta pero kunta taw-an mo pa ako it chance (Translation: Kahit ngayon lang, alam kong gago ako n’ong iniwan kita pero sana bigyan mo pa ako ng chance),” nagsusumamo n’yang saad kaya nanatili lang akong nakatingin sa kan’ya.
Chance? Ako ba binigyan n’ya ng chance n’ong magmukha akong tanga kakahabol sa kan’ya? Kakahintay sa kan’ya sa mga lugar na sinasabi n’yang magkikita kami pero pumuti na yata ang uwak wala pa ring Austin Marquez akong nakita? Alam n’ya pala ang mga salitang ‘yon pero n’ong ako ang humingi hindi n’ya binigay? Alam na alam n’yang kailangan ko siya ng mga panahon na ‘yon. Na isa siya sa mga taong kinukunan ko ng lakas at inspirasyon para magpatuloy mabuhay pero
