Namamaga ang mga mata niya, dahil kakaiyak nang makauwi sa penthouse. Buti mabait ang driver nina Apollo at hinatid siya nito. Agad siyang tumuloy sa kwarto at doon umiyak ng umiyak muli, nang maalala ang mga tagpo sa mansion kanina.
Nag-flashback ang lahat ng masasayang ala-ala nila ni Apollo, lahat-lahat. Patuloy pa rin ang kanyang paghikbi, hindi niya akalain na sa ganito lamang sila magtatapos ng binata. Akala niya okay na sila, akala niya okay na ang lahat.
Ngayon pa lamang ay humihingi na siya ng kapatawaran kay Apollo, kung bakit niya ito iiwan, mahina siya dahil hindi niya kayang ipaglaban si Apollo. Pero kasi, natatakot siya para sa anak niya, kung ano ang magiging buhay nito malapit sa pamilya ni Apollo. Ayaw niyang mamili si Apollo, sa pagitan nila at pagitan ng pamilya nito.
