Ginamit ni Adella kaninang umaga ang telepono sa resort, tumawag siya sa kanila at ipinasabi kay David kung nasaan sila. Magpapasundo sila sa resort. Mukhang walang balak silang ihatid ni Apollo ngayong araw.
Tanghali na at tulog si Atlas, si Apollo naman ay alam niyang mga ganitong oras ay naglalakad-lakad sa dalampasigan, kahit napakainit ng araw. Lumapit siya sa may balkonahe at natanaw niya si Apollo na nagse-surfing.
Hindi pa rin kumukupas ito pagdating doon. Nanahimik nga ang pangalan nito bilang surfer at sa business world naman nag-ingay ang pangalan nito. Napabuntong hininga siya, lagi pa rin siyang natitigilan sa tuwing nakikita niya ito sa ibabaw ng surfing board at naglalaro sa alon ng dagat.
Maya-maya pa ay nakarinig siya ng mga busina mula sa entrada ng
