Nagising si Adella sa malamig na kwarto at may puting pintura. Alam niyang nasa hospital siya nang mga oras na 'yon, pagkaalala sa kinalalagyan, kinabahan siya at mabilis na kinapa ang tiyan. Nakahinga siya ng maluwag nang masalat ang umbok doon.
Biglang bumaling ang pansin niya sa pinto nang bumukas iyon at pumasok ang isang nurse.
"Sa wakas gising ka na po Misis, teka lang at tatawagin ko si Doctor Serrano."
Sasagutan pa lamang sana siya nang bigla na itong umalis. Marahan siyang bumangon mula sa pagkakaupo at sumandal sa headboard ng kama. Napangiwi pa siya nang maramdamang may sumigid na namang kirot sa kanyang tiyan.
Lubos ang pasasalamat niya na ligtas sila ng baby niya. Buti na lang tinulungan siya ng mga taong nakabangga sa kanya. Napapitlag siya nang muling bumukas ang pinto,
