"What do you want to eat?" Usisa ni Apollo sa kanya nang makarating na sila sa Zambales. Nakaupo siya ngayon sa balcony ng bahay ng mga Williams sa Islang iyon.
Inirapan niya ang lalaki.
"Huwag ka ng mag-abala pa. Pag usapan na natin ang dapat pag-usapan para makauwi na ako," malamig niyang sabi. Pilit itinatago ang kabang nararamdaman. Ibinaling ang paningin sa karagatan. Wala pa rin ipinagbago ang lugar na iyon, payapa at maganda pa rin. Mukha pa ring paraiso para sa kanya.
"Wait me here."
Dinig niya ang pag alis ng binata at pumasok sa loob. Matigas talaga ang ulo nito, kukuha pa rin ito ng pwedeng kainin o maiinom kahit ayaw niya.
Ilang saglit pa, bumalik na si Apollo. Tangan ang dalawang tasa ng kape. Inilapag nito ang isa sa mesang malapit sa kanya, wala sa loob na tinignan niya
