"Ano bang nakain ng kambal mo at biglang naging mabait sa akin kanina?” tanong agad sa kanya ni Monique, nakaupo sila sa bench dito park ng kanilang school.
“Sinabi ko sa kanya ang sitwasyong mo.” lihim syang napangiti. May itinatago pala na kabaitan ang kakambal nya. Siguro naisip nito, na kailangan nitong maging mabait kay Monique para hind ito mumultuhin ni Monique.
“Really? Sabi ko na ba mamimiss nya ako.” tila kinikilig pa na sabi nito. Ang lapad pa ng ngiti nito. Kawawa naman ang kaibigan nya, kung kailan malapit na itong mawala sa mundo, saka naman napansin ng kakambal nya ang kagandahan nito. Parang gusto na yata nyang maiyak, pero kahit anong gawin nya, wala talagang luha na lalabas sa kanyang mga mata. Siguro, mamaya na sya iiyak kung nakakaiyak na talaga ang sitwasyon. Hindi
