Capitulo Veintisiete
“Helios, ang tatay mo, nasa ospital,” kinakabahang wika ni Ms. Reina. Kahit ako ay kinabahan at nag-alala sa sinabi niya pero si Sol ay walang reaksyon at hindi man lang gumalaw sa kinauupuan niya. Mukhang inaasahan na ‘yon nila Kane dahil kahit sila ay hindi umimik.
Alam ko kung ano ang takbo ng relasyon nila ng tatay niya at naiintindihan ko kung bakit parang wala tila pakialam ang reaksyon niya ngayong naospital ang sarili niyang tatay pero hindi ba pwedeng magpakita siya ng kahit kaonting awa?
“Sol…” mahinang tawag ko sa kanya.
Tumingin siya kay Ms. Reina ng walang bahid na emosyon na hindi na namin ikinagulat. “What do you want me to do?”
“Hindi mo man lang ba siya dadalawin?” lakas-loob kong tanong sa kanya. Hindi siya nagsalita at tinitigan lang ako. I
