CHAPTER 42
Tinanggap ko na ang magiging kapalaran ko— sasama ako kay Daddy Seb. Sa New York ko ipagpapatuloy ang pag-aaral, doon ko na rin gugustuhing humanap ng trabaho.
Bumuntong hininga ako bago nilisan ang classroom namin. Tapos na ang klase at oras na rin ng uwian. Abala ang lahat sa kani-kanilang paglalakad at pagmamadaling bumaba ng building.
Samantala ay huminto pa muna ako sa gitna ng corridor. Dahan-dahan nang lingunin ko ang kalangitan; maaliwalas, pinagsamang asul at puti ang kulay nito. Malamig din ang dalang hangin ng panahon sa hapong iyon.
Unti-unti naman nang magbaba ako ng tingin sa malawak na Quadrangle. Tatlong taon ko ring itinuring na pangalawang bahay itong school namin. Kaya sa katotohanan na aalis ako, na ito na ang huling araw ko rito ay parang ang bigat, para
