CHAPTER 43
Natulala ako sa mukha ni Daddy Seb. Naroon pa rin iyong galit, pero mas nangingibabaw sa kaniyang itsura ang tila pagkasawi, pagkadismaya at pagkabigo habang maang na nakatingin kay Mama.
"Sinabi ko na ang lahat sa 'yo, Sebastian! Ayoko nang paulit-ulit pa! Paraanin mo na ako! Nasaan na ba kasi si Larisa?!" singhal ni Mama at muling itinulak si Daddy Seb. "Larisa! Bumaba ka rito!"
"Hindi ako naniniwala na sumama ka sa lalaking 'yon dahil mahal mo siya, Marisa!" giit ni Daddy Seb, buo pa rin ang boses ngunit basag na ang kaniyang emosyon.
Saglit na tumigil si Mama para lang balingan si Daddy Seb. "Ano pala, Sebastian?"
"Kung mahal mo siya— ano ako, Marisa? Kung matagal mo na siyang mahal, nasaan ako sa puso mo?" Kita ko ang pagkinang sa mga mata ni Daddy Seb, tanda nang pagb
