CHAPTER 36
Hindi ko namalayang Linggo pala ngayon, maaga pa ako nagising sa ganap na alas singko. Pero ayos lang at magluluto na lang ako ng agahan namin. Madali akong bumangon mula sa pagkakahiga.
Dagli ko pang nalingunan ang espasyo sa kanan ko. Alam ko na rito natulog si Daddy Seb kagabi. Magkatabi kaming dalawa, magkayakap. Hindi ko nga lang alam kung kailan siya bumangon kanina.
Wala sa sarili nang mapangiti ako sa kawalan bago tuluyang gumalaw. Nagpasya muna akong maligo at hindi pa talaga ako nakakapagbihis simula kagabi pagkauwi namin ni Daddy Seb.
Bukod sa mineryenda naming kape at cake kahapon ay wala pa akong kain kaya hindi hamak na kumakalam ngayon ang sikmura ko. Ganoon din siguro si Daddy Seb. Marapat lang na maaga akong magluto ngayon.
Matapos maligo ay nagbihis lang a
