Mabilis na lumipas ang mga araw at mabilis ring napalapit ang loob ni Joyce kay Art. Sa tulong ng binata ay nabigyan siya ng laptop na siyang sobrang kailangan niya talaga. Dahil dito naging mas madali ang kaniyang ginagawa.
Dalawang linggong hindi umuwi si Joyce para makaipon. Nagkumisyon siya sa pamamagitan ng paggawa ng portrait ng ibang mga estudyante. Mura lang ang singil niya pero kahit papaano ay nakaipon din siya.
Malapit na kasi ang kaarawan ng kaniyang ina kaya gusto niya itong bilhan ng regalo at kaunting handa. Gusto niya na kahit sa kaunting bagay lang ay mabigyan niya ng makabuluhan na kaarawan ang kaniyang nanay.
Noong high school pa siya, palaging regalo lang ang kaya niyang ibigay, iyong nabibili lang sa kanto. Pero ngayon ay gusto niyang ipagluto ang ina. Gusto niya
