“Kuya, can I make a request?” bulong ni Amelia sa kapatid habang pasulyap-sulyap sa silid ni Joyce. Nasa loob kasi ang huli at nag-aayos ng tuyo niya ng mga damit.
”Ano iyon?” nagtatakang tanong ni Art sa kapatid. Nakatayo na siya at aalis na sana nang hinarang siya nito.
Balak niyang umuwi sa kanila para harapin ang trabahong hinatid ng sekretarya ng ama. Alam naman nito na hindi siya umuwi para matingnan ang kalagayan ng kapatid, kaya hinatid na lang ang gagawin niya sa kanila. Magiging abala siya hanggang linggo at babalik siya ng eskwelahan sa lunes ng umaga.
“Alam mo ba ang address ni Joyce? Huwag mong i-deny dahil alam kong kinalkal mo ang tungkol sa kaniya.” Bumusangot tuloy si Amelia dahil hindi niya nagustuhan ang ginawa ng kapatid. Ngunit wala naman siyang magagawa dahil n
