“Apo ko siya sa panganay kong anak at hapon ang kaniyang ama. Sa Japan siya lumaki pero marunong magtagalog dahil tinuruan ng kaniyang ina. Iyon nga lang, ngayon lang ito nakapunta rito,” pagpapakilala ni Bernadette sa apo kay Joyce.
“Ganoon po ba,” sabi lang ni Joyce at ngumiti. Kilala siya ng ginang kaya hindi na siya nagdagdag pa ng impormasyon ng apo. Kapag hindi niya pa talaga kilala ang tao, makakalimutan din ng dalaga ang pangalan at impormasyon nito.
“Tisay, gusto ko sana samahan mo siya sa paglilibot. Ngayon sana ngunit napansin kong marami ang labahan ni Elsa. Bukas ba may gagawin ka?” sunod-sunod na sabi ng dating guro. Matanda na kasi siya kaya hindi niya na masasamahan ang apo sa gusto nitong puntahan. Mas mainam na kakilala niya ang ipasama niya rito dahil sigurado siyang
