NANG makaalis si Daniel ay pinagtulong-tulungan si Calvin na bugbugin ng mga tauhan ng dating kaibigan. Basag na ang mukha at namamaga na ang mata nito ni Calvin dahil sa suntok na tinamo. Halos maligo na siya sa sarili niyang dugo.
"Anong utos ni boss?" rinig ni Calvin na tanong ng isa sa mga bumugbog sa kanya.
"Dispatyahin. Iyan ang utos ni bossing. Dapat daw bukas kailangang lumulutang na ang katawan niya sa dagat. Tiyak na may bonus tayo. Malaki pala ang patong sa ulo nito, e," mariing sagot ng isa. Sinundan ng malakas na tawa ng iba pang kasamahan nito.
"Tiba-tiba tayo r'to," sabi pa ng isang lalaki at nilapitan si Calvin. Nang makalapit ay hinawakan nito sa buhok si Calvin at hinila. Napaangat ang tingin niya sa tauhan ni Daniel na malakas na tumatawa.
"Tama na 'yan. Alalayan niy
