"SIR, andito na po si Miss Villaruel," sabi ni Ellah.
Napatigil si Daniel sa pagpirma ng mga dokumento at napaangat ng tingin sa kanyang sekretarya.
"Let her in," utos ni Daniel saka napasandal sa headrest ng kanyang swivel chair.
Kinakabahan si Mina na pilit inaayos ang sarili. Limang buwan ang lumipas, pilit siyang bumabangon sa pagkawala ni Calvin. Ito nga at sinimulan na niyang ibangon ang sarili. Naghanap siya ng trabaho. Suwerte na natanggap siya bilang sekretarya ng isang politiko— ni Cong. Daniel Marcelino.
"Miss, Villaruel, pumasok ka na sa loob ng opisina ni Sir. 'Wag kang kabahan. Mabait ang amo natin."
Napangiti si Mina sa pagpapalakas ng loob ni Ellah sa kanya. "Maraming salamat, Ellah. Hindi ko alam kung paano kita magagantihan sa nagawa mong ito sa 'kin."
"Ano ka ba, M
