NAGPALIT si Mina ng damit. T-shirt ni Calvin ang isinuot niya at boxer shorts nito. Magasawa sila, wala naman sigurong masama kung isuot niya ang damit ni Calvin. Humiga siya sa kama ni Calvin at niyakap ang isang unan nito. At ipinikit ang kanyang mga mata.
Bumukas ang pinto ng kuwarto. Maingat ang mga hakbang papalapit sa natutulog na si Mina. Nang makalapit ay umupo ito sa tabi ni Mina. Hinaplos niya ang pisngi ni Mina. Saka niyakap ni Cay ang ina.
"I love you, Mommy. I'm sorry po kung may nasabi ako sa inyong hindi maganda. I'm very sorry po," munting tinig na humihingi ng tawad kay Mina.
Naalimpungatan si Mina sa boses ng anak. At napamulat ng kanyang mga mata.
"Cay?" nanginginig ang boses na sabi ni Mina. Nasa tabi ni Cay si Calvin. "Akala ko umalis na kayo," umagos na ang luha
