Sail we go!
"Maraming salamat ulit. Malaki ang utang na loob ko sa inyo dahil mas nalinawan ang isip ko," nakangiting sabi ni Sophia habang kaharap silang lahat.
Nakaupo ngayon si Sophia sa kaniyang bagong kaharian. Wala siyang korona dahil hindi pa naman siya isang reyna. Ngunit darating ang tamang oras para doon. Hinihintay lamang nila dumating ang tamang panahon para mamuno siya nang tuluyan. Sa ngayon ay tinutulungan siya ng kaniyang kanang kamay, si Kisuke.
"Walang anuman. Mag-iingat kayo palagi rito. Ikaw na ang bahala sa batang ito, Kisuke," sabi ni Skip sabay gulo ng buhok ni Sophia.
Agad na namula ang bata. Napaiwas pa siya ng tingin at medyo ngumuso. Naging ayos na kasi silang dalawa matapos iyon. Humingi ng patawad ang isa't isa at pareho naman nilang pinatawad. Pagkatapos
