“We’re here.” Napatingin kami sa labas nang huminto ang van na minamaneho ni Rigel. Mag-aalas tres na ng hapon at katatapos lang ng huling practice namin for graduation na gaganapin na sa susunod na araw kaya naman napagkasunduan naming dumaan muna ng coffee shop at doon mag-miryenda.
Isa-isa na kaming bumaba at nagsipasukan sa loob. Ang bumabalot na mabangong amoy ng kape sa kabuuhan ng lugar ay agad na nagpakalam ng aming mga tiyan. Mas lalo ko lang tuloy naramdaman ang gutom.
“Oh gosh, my throat hurts.” Reklamo ni Leilani habang sapo ang kanyang leeg at saka pagod na nanguna sa pag-upo. Well, siya lang ba? Halos lahat yata kami ay gano’n rin ang sinapit ng lalamunan dahil sa paulit-ulit na pagkanta ng school hymn.
Pagkaupo ay dumiretso si Rigel sa tabi niya dahilan para lum
