“Now I know the reason why you don’t want to be mine . . .”
Kung ilang minuto na akong nakatitig sa screen ng phone ko ay hindi ko na alam. Kung ilang buntong hininga na ang nagawa ko ay mas lalong hindi ko alam.
May kung ano sa mensaheng padala ni Callisto ang nagdudulot ng kaba at lungkot na unti-unti nang kumukulob sa aking puso.
Humugot ako ng hininga at dahan-dahan ‘yong ibinuga.
Bago pa ako lumabas ng kotse ay nakatanggap ako ng text galing kay Kelvin. Nandoon na ito sa loob at kanina pa naghihintay sa akin.
Tumunog ang chime bell nang buksan ko ang pinto ng coffee shop. Nang makapasok ay sumalubong sakin ang mabangong amoy ng kape at ang malamyos na tugtog na namamayani sa loob. Inilibot ko ang tingin sa paligid upang hanapin si Kelvin, kakaunti lang ang tao doon
