Andrei's POV
Apat na araw ang lumipas simula no'ng bumisita kami ni Kuya sa sementeryo. Isang araw na rin ang nakalipas magmula nang dumating si Jadie at ang mga kasamahan nito, kasabay pa ‘yon nang maagang pagkikita namin ni Gian. Ang pakay ko naman talaga ay makita ang aking lihim na sinisinta pero nagkataon lang talagang ang gagong ‘yon ang nakita ko.
Gabi na ngayon, nandito ako sa mansyon habang tinatapos kong i-review ang mga reports na galing sa kompanya. Kagaya naman ng dati ay marami pa rin ang nakatambak na papel dito dahil ilang araw din akong hindi pumasok. Nasa kalagitnaan ako ng pagbabasa nang biglang tumunog bigla ang selpon ko.
"Yes, Volter? May ibabalita ka na ba?" bungad ko sa privte investigator ko. Tumighim naman ito bago sumagot.
"Yes, Sir, I got a lot about him. I
