KINAILANGAN na sumailalim ang buong team ng Clare sa isang puspusang training. Kaya naman halos wala na ring naging pahinga si Demi sa pag-aasikaso ng mga dokumentong kailangan ng mga manlalaro maging ang pagkalap niya ng impormasyon sa mga makakalaban nilang teams. Ganoon din ang ginagawa niya noon nang bagong team pa lamang ang SpaiDer at unang lalaban din sa international arena.
Kapag may oras pa siya ay nakiki-sit in siya sa tuwing may practice match at nanonood para pag-aralan ang bagong line up ng team. Ilang araw na ring tahimik at payapa ang lahat sa loob ng gaming house. Marahil dahil na rin sa pagpapakumbaba niya noong humingi siya ng paumanhin sa lahat ng 'di niya ginawang maganda.
Kung nagkalamat man ang pagitan niya at ng pinsan dahil sa mga napag-alaman niya. 'Di na rin niy
