"THANKS bro, I owe you big this time," pasasalamat ni Zain sa kaibigang si Cloud.
Pinakiusapan ni Zain si Cloud na kung maaaring samahan si Demi noong araw na 'yon upang bisitahin ang ama. Akmang tatanggi na sana siya nang maunang mag-insist din ang huli na walang problema para rito na sumama sa kanya. Tamang-tama din daw na pupunta rin ito roon para may bisitahin na kakilala.
Medyo may hinala na siya kung sino iyon. Kaya nang makapasok sa loob ng ospital ay agad siyang nagtanong sa information desk kung 'di pa nakalalabas ng gusali ang ama. Hindi naman siya nabigo nang malamang nasa opisina lamang ito at 'di pa nakaaalis.
"Salamat," wika niya sa napagtanungan na agad na nakakilala sa kanya dahil madalas siyang magpunta roon sa tuwing binibisita ang ama.
Karaniwan kasing doon na laman
