Sumapit na ang lunes at sila Daniella ay nasa eskwelahan na ng tanghali para makapag-prepare ng mas maaga lalo pa't si Bree lang ang mag-aayos kay Daniella sa buhok at maging make-up niya.
Habang wala pa ang mismong oras ng pageant ay abala naman ang mga estudyante sa mga booth na nasa loob ng gym at nag-uumpisa ng tingnan ang mga puwedeng gawin habang hinihintay ang ala-sais ng gabi para sa pagsisimula ng program.
Nasa isang classroom sila Daniella at nakatingin lang siya sa labas ng classroom. "Gusto mo bang lumabas?" tanong ni Bree.
Ngumuso siya. "Gusto ko sanang tingnan ang nangyayari sa loob ng gym."
"Pumunta ka."
Lumingon siya kay Bree. "Pero kasi wala kang kasama dito, ikaw lang mag-isa."
Ngumiti si Bree. "Ano ka ba parang mawawala naman ako dito. At isa pa kailangan narito la
