CHAPTER 99
NAGSISIMULA NA mainis si Lavi sa kaniyang sarili dahil pakiramdam niya ay nagiging toxic na siya. Iyong bagay na ayaw niyang ginagawa ng karelasyon niya sa kaniya ay siyang nagagawa niya ngayon nang hindi niya namamalayan. Hindi niya naman intension iyon pero basta na lang niyang nararamdaman. At ngayon, mayroong nabubuong takot sa kaniyang puso na baka maging problema nila iyon ni Kirsten sa mga susunod na araw.
Huminga siya nang malalim bago umayos ng upo. Nasa balkonahe siya ngayon ay kasalukuyang umiinom ng mamahaling alak. Wala naman siyang balak na magpakalasing pero gusto lang niya ma-relax kahit paano. Iniwan niya kanina si Kirsten sa loob ng kwarto dahil ka-videocall nito ang pamilyang nasa Japan. Siya naman ay lumabas upang magpahangin dito at upang makapag-isip kah
