CHAPTER 100
SA KULANG dalawang oras na flight ay nakarating din sa Basco, Batanes sina Almira at Selendria. At dahil gabi na rin, kaagad silang kumuha ng kwarto sa isang hotel— Casa Feliciano. Maganda at maayos ang lugar. Ayon sa na-search ni Almira ay isa ito sa magandang pag-stay-an habang nasa Batanes. Para lang kasi silang nasa isang malaking bahay. Maganda rin ang istraktura ng buong casa at ang mga staff ay talagang very accommodating sa kanila ni Selendria.
Nag-aalala nga siya sa kaibigan dahil maarte ang isang iyon pagdating sa tutulugan. Kaya nga palagi itong nag-sstay sa bahay ni Lavi kapag nasa Pilipinas dahil ayaw sa hotel. Kanina pa niya pinakikiramdaman si Selendria kung aapila ba ito dahil iyon ang napili niyang tuluyan nila sa loob ng ilang mga araw. Mabuti na lang at wa
