CHAPTER 101
“TAPOS KA na makipag-usap kay Almira?” tanong ni Kirsten kay Lavi. Kanina kasi bago niya ito iwanan sa office nito ay ang kaibigan nila ang kausap ng nobya. Umalis muna siya para bumili ng kape at para makapag-usap nang masinsinan ang dalawa. Nang makabalik siya sa loob ng opisina nito ay nakasandal ang likod nito sa swivel chair habang ang isang kamay ay nakatungkol sa baba. Nakatuon ang atensyon nito sa screen ng laptop at nakakunot ang noo.
Nilingon siya nito sandali at bahagyang tumango bago muling tumingin sa tinitingnan nito. Lumakad siya palapit dito at nilapag ang binili niyang kape para dito. “Magkape ka muna,” aniya bago siya naupo sa silyang nasa tapat ng table nito.
“Thanks,” anito saka kinuha iyon saka sumimsim.
“Mukhang na-sstress ka, ha? Kailangan mo ba ng
