CHAPTER 79
MEDYO NAPARAMI ang inom ni Lavi nang gabing iyon kaya naman si Kirsten ang nagmaneho ng sasakyan nito. Hinatid muna nila si Britney sa sarili nitong condo bago sila magtungo sa bahay nito. Mabuti na lang talaga at naging alalay lang ang pag-inom niya ng alak kanina nang mapansin niyang nag-eenjoy si Lavi dahil dumating ang iba pa nilang mga kaibigan na sina Celestine at Aliyah.
Napuno ng tawanan ang mesa nila kanina dahil masaya ang kwentuhan ng mga ito. Kapansin-pansin ang closeness ng bawat isa kahit pa panay ang barahan. Nakita ni Kirsten na pure ang friendship ng mga ito kaya naman hinayaan niya lang si Lavi na sulitin ang gabi.
Alalay niya si Lavi habang papasok sila ng bahay nito. Nakaakbay ito sa kaniya habang ang ulo nito ay nakalaylay. Mabuti na lang din at magaan a
