CHAPTER 93
DAHIL SA sobrang pagod ay hindi na muna kaagad nakapagbukas ng social media sina Kirsten at Lavi. Nahihilo siya dahil sa jetlag kaya sinabihan siya ni Lavi magpapahinga na muna silang dalawa. Tinago din nito ang cellphone nilang dalawa pagkaraan na mag-send ng message sa mga magulang niyang nasa Japan na nakarating sila nang ligtas sa Paris.
Dumiretso silang dalawa sa bahay nito. Alam naman niya na kabilang sa alta-sosyedad at sikat ang kaniyang nobya ngunit palagi pa rin siyang nabibigla sa mga nakikita. Kagaya na lang nang dumating sila kanina sa airport, mayroong mga taga-press na siyang sumalubong sa pagdating nila. Noong una ay naisip niya na baka may ibang sikat na inaabangan ang mga iyon ngunit hanggang sa makasakay na sila ng sasakyan at sundan sila ng mga ito, nasigur
