CHAPTER 97
PAGKAUWI NINA Kirsten at Lavi sa bahay nito nang kinagabihang iyon ay kapwa sila natigilan sa naabutan nila. Kakapasok lang nila sa loob at dahil siya ang nauuna, napahinto siya sa paghakbang habang si Lavi naman ay bumangga pa sa kaniyang likod. Nagtataka siya nitong tiningnan habang ang si Kirsten naman ay nanlalaki ang mga matang nakatingin sa harapan.
Tumayo ang dalawang may edad na sa tingin niya ay mag-asawa. Hindi nalalayo ang edad ng mga ito sa kaniyang mga magulang ngunit kitang-kita sa mga ito ang karangyaan sa paraan ng pananamit at sa tindig.
“Mom, dad!” Humakbang si Lavi upang salubungin ang mga magulang. Niyakap ni Lavi ang mga ito.
“Anak, bakit hindi mo man lang kami pinuntahan sa bahay?” tanong ng mommy nito habang inaayos pa ang buhok ng kaniyang nobya.
“O
