HINDI mabura ang ngiti sa mga labi ni Nicole. Masaya siya na nagustuhan nina Keith at Charlene ang mga inihanda niyang pagkain. Pakiramdam niya ay tumaba ang puso niya sa mga papuring ibinigay ng magtiyuhin.
Pagkakain ay niyaya niya ang mga ito sa entertainment room. She loved their company. Natutuwa siya sa mga kuwento ng mga ito. Noong una ay medyo nangingilag pa sa kanya si Charlene at naiintindihan naman niya dahil estranghero pa sila sa isa’t isa. Pagkatapos kumain ay medyo nag-loosen up na ito at naging makuwento na. Nalaman niya na sumailalim pala ito sa heart transplant at na-fascinate siya sa nalaman niyang boyfriend nito ngayon ang naiwang boyfriend ng dating nagmamay-ari ng puso nito. Ang akala niya ay sa mga pelikula lang nangyayari ang mga ganoon.
Nalaman din niya na pareho
