"Bibili ako ng mga prutas."
"Ayoko niyon; burger na lang."
Napasinghap ako. "Prutas at burger."
"Ayoko nga ng prutas."
"Rigal, kailangan mo iyon para lumakas ka."
Umirap siya't bumuntong hininga. Napangiwi na lang ako nang masaksihan na naman ang katigasan ng ulo niya.
"Sige na, saglit lang ako."
Sakto namang dumating ang nurse para silipin siya kaya lumabas na ako para mamili.
Nakapag-usap na kami nang masinsinan kahapon. Humingi ako ng tawad sa kanya. Laking gulat ko nga ng humingi rin siya ng tawad sa akin. Inako niya ang pagkakamali niya at hindi niya sinisi sa akin ang lahat.
Nakakahinga-hinga na ako nang mas maluwag ngayon, pero may parte pa rin sa akin na masikip dahil may isa akong pangyayari na tinago kay Rigal; ang hindi ko makalimot-kalimutan na pagtatalik namin ni Se
