"Tayo ka riyan sa dulo, pi-picture-an kita."
Sinunod ko si Seval, lumangoy ako patungo sa dulo ng jacuzzi saka ako kumapit sa aisle para i-angat nang kaunti ang katawan ko.
"Tingin ka sa gilid mo."
Tumingin ako sa side view.
"Okay; one, two, three."
Nang matapos iyon ay lumangoy na 'ko pabalik malapit sa pwesto niya. Nakahiligan na 'kong picture-an ni Seval sa isang linggong pagsasama namin dito sa Bali.
Masasabi kong sa nagdaang-araw ay kahit papaano'y umo-okay na ang pakiramdam ko.
Hindi na ako gaanong stress kagaya noon. Palagi akong sinasamahan ni Seval na mag-unwind kundi sa jacuzzi, maglilibot-libot naman kami.
Kahit papaano'y nabawasan ang mga bato sa dibdib ko. Although minsan, may mga pagkakataon pa ring naiisip ko ang asawa ko, pero hihinga lang ako nang malalim, mar
