Tanya's POV
Kunot agad ang noo ko nang magising ako sa sakit ng ulo. Minasahe ko ang sentido ko saka dahan-dahang umupo. Nanlaki ang mga mata ko nang makita si Seval na walang suot ng pang-itaas sa tabi ko.
Napatingin ako sa katawan ko at halos maluwa ang mga mata ko nang makitang lumuluwa ang dibdib ko; wala rin akong saplot. Napatakip ako sa bibig ko. Hindi ko makita kung may pants ba siya dahil natatakpan iyon ng kumot; inangat ko ang kumot sa parte ko.
"Putangina," pabulong akong napamura nang makitang wala akong shorts maski panty.
Mabilis akong tumayo na sana'y hindi ko ginawa dahil umalog ang utak ko.
"Shit." Pingilan ko ang sariling mapapadyak para hindi magising si Seval.
Kumapit ako sa ulo ko't napatingala. Anong nagawa ko, badtrip; ang natatandaan ko'y nalasing lang ako.
