"Ikaw nga ang judgemental, eh. Nakikipag friends lang ako sa iyo tapos na-judge mo ako kaagad na ija-judge kita." Bigyan yata kita ng judge bubblegum, eh. Kung sabihin ko kaya sa kaniya iyon, matatawa kaya siya? Ako nga halos mamatay na sa pagpipigil ng tawa dahil sa naisip. Try ko kaya? Hindi siya sumagot sa sinabi ko bagkus ay tumayo siya at iniwan ako roon, nakatanga. Pinanood ko siyang naglalakad ng mabilis papasok sa school na akala mo ay may susuguring away dahil dire-diretso lang siya sa paglalakad at ang mga taong nakakasalubong niya ang umiiwas sa kaniya.
Nag-init ang mukha ko sa inis. Gusto kong manapak ng isang Maria kaso malayo na siya. Narinig ko ang bahagyang tawa ni Ronald kaya siya ang pinagbuntungan ko ng inis. 'Yung puso kong dating tumitibok ng mabilis dahil inlove, nga
