HINDI AKO makahinga. Sa gitna kasi nang pagkukuwento ko bigla akong hinila ni Martin at niyakap ng mahigpit. Hindi ako kumalas sa yakap niya kasi kailangang kailangan ko ‘yon. Hanggang matapos ang kuwento ko, nakapaikot ang mga braso niya sa akin at nanginginig ang buong katawan niya. Maraming beses ko rin naramdaman ang paghalik niya sa buhok ko, sa tainga ko at sa batok ko. Ang palad niya humahaplos sa likod ko. “Grace, oh Grace, love, I’m sorry,” garalgal na bulong niya, paulit-ulit.
Love. Kahit papaano gumaan ang pakiramdam ko sa endearment na ginamit niya para sa akin. Gumanti ako ng yakap, pumikit at isinubsob ang pisngi sa dibdib niya. “Ikaw pa lang ang pangalawang tao na sinabihan ko ng nangyari noon,” bulong ko. “They did a lot of dirty things to my mouth, you know. Kaya ayokong
